urria 17, 2017

6. mailan "rock and roll"-eatzen.

Esan dezakegu 6. mailan motoreak piztu ditugula eta espero dut musika egiten jarraituko dugula gero eta hobeto! 

urria 16, 2017

3. maila eta plaka-instrumentuak.

Bueno, hemen ditugu eskolako musikari ertainen lehenengo bideoak! Hiru nota soilik (do-mi-sol) erabili dituzte, baina aizue, ze polita geratu zaien!


urria 04, 2017

ZARZUELA. Historia, konpositoreak eta jarduerak.

Zer da zarzuela? Noiz sortu zen? Gaur egun egiten den zerbait al da? Norbaitek ikusi al du zarzuelaren bat? Noizbait jo al dituzue kastañuelak? 

Galdera hauen erantzunak eta gauza gehiago material honetan topatuko ditugu. 6.mailan zarzuelaren historian murgilduko gara eta era teorikoan zein praktikoan ezagutuko dugu!

Praktika nola?? Ba.... kastañuelak joz!! 


Aquí encontrarás el material en castellano.

iraila 27, 2017

Notazioaren hastapena "kapsuletan".

Beste buelta eman diot musika idazketaren gaiari ez nengoelako oso konforme aurreko ikasturtean sortu nuen bideoarekin... Probatu genuenean gauzak ez ziren oso argi gelditu. 10 minutuko bideo horretan gauza asko azaltzen ziren eta kontzeptu batzuk ez ziren ongi ulertzen. 
Beste proposmen bat dakart: notazioaren hastapena 4 minutuko bi "kapsuletan". 

Lehenengo bideoan musika idazteko lehenengo saiakerak azaltzen dira (neumak), eta bigarrenean ikusiko dugu nola Guido d´Arezzok, Italiako fraile batek, guk erabiltzen dugun musika idazteko modua asmatzen duen. 





iraila 22, 2017

Haur-kanta: "Florinda behia"

Kanta hau Antonio Bejaranoren sitean topatu nuen aspaldi-aspaldi, eta oso polita iruditu zitzaidan haur hezkuntzan egiteko; "Suena-suena" metodokoa da.

Gitarraz lagunduta abesten dugu, baina bideotxo bat sortzeko gogoa nuen eta askotan bezala, etxekoei laguntza eskatu diet. Mila esker languntzeagatik!! 


iraila 18, 2017

Saritzeko kartak.

Musika-gelan PRAKTIKA ONAK izateagatik sari batzuk lortu ditzakezue. Zer dira praktika onak? Gelako arauak errespetatzea eta lan pertsonalean saiatzea, batik bat. 

Ez dira saio guztietan banatuko, baina klase guztietan izandako PRAKTIKA kontutan hartuko dut. Lanaren bukaeran emango dira eta erabilpen bakarra dute. Hau da, praktika instrumental bat egiten ari bagara, lan horren azken saioan banatuko ditut, edo alderdi teoriko bat ikasten ari bagara, gai horren bukaeran banatuko ditut zuek egindako lana kontutan hartuz.


 
 

Nahi izanez gero, HEMEN KLIKATU deskargatzeko.


iraila 14, 2017

ERDI AROA. Kantu gregoriarra.

Aurten 5. mailan Erdi Aroko musika ezagutuko duzue, eta ikasitako guztia adierazteko, pelikulatxo bat sortuko duzue eskolan antolatu dugun tailer batean. 

Hemen aurreko ikasturteko hiru adibide ikus dezakezue: musika erlijiosoa, musika profanoa eta Guido d´Arezzo. 

Lasai, orain dena arraro dirudi, baina poliki-poliki joango gera gauzak ezagutzen! 
Musika erlijiosoa
 
Guido d´Arezzo


Musika profanoa



Erdi Aroan bi musika mota zeuden: musika erlijiosoa eta musika profanoa.
Gaurko saioan musika erlijiosotik hasiko gara. Horretarako bideo hau prestatu dizuet. Goazen ba ikustera!

iraila 05, 2017

Motoreak pizten... 1, 2...... RAMONES!!!!

Bueno, bueno! Opor onak izan dituzue? Seguru baietz, oporretan beti ongi gaude, ezta? jeje.

Baina hasi behar garenez, rockarekin hobe! 
6. mailan, lehenengo musika-saiotan RAMONES musika-taldea ezagutuko dugu, eta modurik onena gu geuk musika egiten izango da, bai edo bai?

Beraz, klasean ditugun instrumentuei hautsa kenduko diegu. Zeintzuk beharko ditugu? teklatuak, kuboak, xilofonoak, tutuak eta txirula. Aleeeeeee!! hau da hau sortuko dugun banda!!!

Kuriosetatea badaukazue, klikatu irudian eta salseatu. Zein instrumentu gustatuko litzaizueke jotzea? Joan pentsatzen, joan pentsatzen...


Baina, zeintzuk dira Ramones?

Rocka izugarria maitatzen zuten 4 mutil, Ramones musika-taldea sortu zuten 1974. urtean.
Lauok, The Beattles taldeko kide baten super fans ziren, Paul McArtney izenekoa. Paul McArtney oso-oso ospetsua zen, eta behin hotel batean gendearen aurrean ez nabarmentzeko, izen faltsu batekin izendatu zen: Paul Ramon.

Gure lauok, ez zuten beraien artean eztabaidatu izan behar: sortu zuten taldeari Ramones izendatu zioten Paul McArtneyren omenez.
Egiten zuten musika berritzailea zen eta honengatik, punk musika-korrontearen asmatzaileak izan ziren.

Oso ospetsuak bihurtu baziren, beraien hasierak oso gogorrak izan ziren. Haien lehenengo kontzertua, York Berriko areto batean izan zen eta zioten arabera, bakarrik bi pertsona bertaratu ziren!
Baina ez zuten amore eman horregatikan… tinko jarraitu zuten eta ostean lortu zuten arrakasta mundiala izan zen!

maiatza 18, 2017

"Gatz Titiritorto" KOREOGRAFIA

Arantxa, Juncal! Hemen duzue 2.A mailako artistak Gatzen koreografia erakusten. Uste dut oso polita geratu dela eta beriek ooooso gustora ibili diira. Gozada bat da beraiekin lana egitea!!!
Bideo hau material honetan ere atxikituko dut. 



maiatza 17, 2017

"Tick Tock Shock" 6.B maila.

Ez dute aurkezpenik behar, ezta? 
Klikatu eta ikusi zelako orkestra polita osatu duten 6. mailako artistak!

maiatza 15, 2017

"Ixta Mista" 1. maila.

Lehenengo mailakoek SOL et MI notekin lantzen ibili dira. Bukaerako emaitza kanta polit hau izan da, baina bidean, asko ikasi dute: nota horiek pentagraman nola irakurtzen diren, nola intonatzen diren, entzumenaren bidez desberdindu behar izan dituzte...

maiatza 14, 2017

"Osain" 5.B maila

"Osain" Afrikako kanta bat da. Doinua erraza eta polita dauka eta 5.B mailakoek gorputz perkusioarekin batera landu dute. Oso ondo!!!

maiatza 12, 2017

Harizko tresnen eskema interaktiboak prest ditugu!

Aste honetan harizko eskema interaktiboak bukatu ditugu 5.A mailan. Oso gustora ikusi zaituztet, musika-tresnak ezagutzen, bideoen bidez horiek entzuten eta aukeratzen, ordenagailuetan trebatzen...  

Eskematik nabigatu nahi baduzue + edo - erbili zooma aktibatzeko.

Make your own mind maps with Mindomo.


Make your own mind maps with Mindomo.


Make your own mind maps with Mindomo.


Make your own mind maps with Mindomo.


Make your own mind maps with Mindomo.


Make your own mind maps with Mindomo.


Make your own mind maps with Mindomo.

apirila 30, 2017

"Erakusketa bateko margolanak". Modest Mussorgsky.

Musika-lan honen konpositorea Modest Mussorgsky deitzen da. Errusian jaio zen 1839an.

Viktor Hartmann, bere lagun onenaren omenez idatzi zuen. Viktor margolaria zen eta 39 urte zituela hil zen.

Mussorgskyk musika-lan honetan, "Erakusketa baten margolanak", Viktorrek marraztutako margolanen erakusketa irudikatzen du. Hamar koadro badira, erakusketa barruko ibilaldia ere irudikatzen du.

WIX honetan koadro guztiak bildu ditut. Interneten topatu ditudan baliabide batzuk daude eta nik sortutako pare bat musikograma ere.

Musika zirraragarria da! Sartu eta, ni bezala, gozatu!

apirila 28, 2017

Just Dance KIDS

Bideo zerrenda honetan haur hezkuntzan eta lehenengo zikloan erabili ditzakegun bideoak bildu ditut. Gelan dantzatzeaz gain, ea etxean ere animatzen zareten! Dantzan egin!!