apirila 22, 2018

Haizezko tresnak: entzuketa eta jarduerak.

Haizezko tresnak ugariak dira eta oso zaia da desberdintzea sortzen duten soinua. Tresnen soinuari TINBREA deitzen zaio. TINBREA kolorea bezala, antzekoa izan daiteke baina ñabardura desberdinarekin, eta bideo hauek lagunduko digute haizezko tresnen TINBREA desberdintzen.



Bideoak ikusi ondoren, jolas hau egingo dugu. 
Zer egin behar da? Tinbre desberdinak entzungo dituzue eta jakin behar duzue horietako bakoitza zein instrumentuari dagokio.   


Eta haizezko tresnen benetako profesionalak izateko eskema hau egingo duzue . Ebakigarriak moztu, dagozkien tokian itsatsi eta musika-tresnaren izena azpian idatzi! Informazio gehiago nahi baduzue, KLIKATU HEMEN.

Ah! Irudien gainean klikatuz fitxak deskargatu ditzakezue.  





5.A maila: "Quen a omagen", 353. kantiga.

Hemen ditugu 5.A taldekoak Erdi Aroko kantiga bat interpretatzen. 

apirila 20, 2018

Entzuketa jolasa: zein konpositoreari dagokio?

Irratian entzuketa jolas bat proposatu dizuet: zein konpositoreari dagokio musika-tarte bakoitza? 

Hemen topatuko duzue jarri dizuedan entzunaldia, eta musika-tarte bakoitza norena den jakiteko, MUSIKA TXOKOA atalean saltseatu behar duzue. Jeitsi eta konpositoreak joango dira agertzen!

apirila 16, 2018

Erritmograma: Azukrezko maitagarria.

Hemen partekatzen dut erritmograma berri bat. "Intxaur-hausle" balletaren mugimendurik ezagunena da, eta ziur pelikula askotan entzun duzuela. HEMEN mugimendu honen dantza ikus dezakezue.

Tchaikovskyk, konpositore errusiarrak, idatzi zuen 1892an. Gozatu!!

apirila 09, 2018

Zein da Torto?

Barandiaranek zuen bezala, Torto edo Tartalo izaki gaizkile bat da, benetan beldurgarria! Imjinatzen duzue kondaira honi musika jartzen diogula? Batzuk dakizuen bezala, hortaz Escudero maisua arduratu zen.

Niri hainbeste gustatzen zaidan musika-lan hau ezin dudala utzi... beti buruan run-run bat bezala daukat... Horaingo honetan marrazki "bizidun" batzuk egin ditut eta komillen artean idazten dut bizidun-bizidun ez direlako iristen izatera. Beharbada... marrazki robotikoak hobe! ;-)

martxoa 19, 2018

Euskal musika-taldeak. 6.B

Hemen ditugu 6. B mailako lehenengo txandakoek sortu dituzten euskal musika-taldeei buruzko bideoak.

martxoa 10, 2018

OK go

Ezagutzen duzue OK go?
Beharbada gaur egun existitzen den talderik sortzaileena izan daiteke hau. Musikari onak izateaz gain, egiten dituzten bideoak hipnotikoak dira.
Lau lagun dira eta haien azken bideoklipa erakutsi nahi dizuet. 567 inpresorak koordinatu dituzte musikarekin bat joateko, alajaina!!!

Pentsatuko duzue zarrastel batzuk direla, bada, ezetz!!! erabili dituzten paper guztiak birziklatuak izan dira, eta gainera irabazte guztiak Greenpeace erakundeari eman die. 



Musikograma "Dantza Hungariarra" (Brahms)


Iturria: Serramusics

Musikograma deskargatzeko KLIKATU HEMEN


martxoa 06, 2018

EMAROCK

Kaixo Kuxkuxerok!

Emakumearen nazioarteko eguna dela eta, irratsaio berezi bat edukiko dugu. 
Musika Txokoaren atalean, Emarock proiektuari buruz hitz egingo dizuet. Proiektu horrek atal desberdin ditu eta horietako bat youtubeko kanal bat da. 
Kanal horretan, emakume musikariak dauden taldeak agertzen dira. KUXKU batzuk jokoan jarriko ditut eta lortzeko hauxe izango da egin beharko duzuena: bertatik 5 abesti aukeratu beharko dituzue. 

Barruan sartzeko prest? Klikatu hemengo irudian bada! 
Musikakuetoko blogak partekatu du material hau, eta hemendik eskertu nahi diot musika andereñoari. Primeran etorri zaigu irratsaioa prestatzeko!

Hemen ere aurkituko duzue musika txokoan entzungo duzuen abestia: "Konplize ditut eta" 
Bertsio honetan abestia zeinu hizkuntzara egokituta ikusiko duzue. Lan honetaz Basurto eskolako andereño batzuk arduratu dira eta emaitza zoragarria izan da! Zuekin guztiekin...... "Konplize ditut eta"!!!

otsaila 27, 2018

Unibertsolariak

Txanela metodoko kanta hau asko gustatzen zait eta 3. mailan landuko dugu. 
Hemen audioa uzten dizuet eta fitxatxo bat. Deskargatu nahi baduzue, irudiaren gainean kilkatu.




otsaila 22, 2018

Peru eta Otsoa. Ipuinak eta jolasak.

Peru eta otsoa, Sergi Prokopiev idatziko obra musikal bat da. 1936ean idatzi zuen adin guztiko umeek orkestrako musika ezagutu zezaten. 
Horretarako, lau egunetan ipuin musikal zoragarri hau asmatu zuen eta ipuinaren pertsonaiak musika-tresnetan transformatu zituen. Nola? Pertsonai bakoitzari musika-tresna bat egokituz:
Hemen utziko dizuet IRRATIKO ENTZUNALDIA, berriro entzun ahal izateko:



Utziko dizkizuet baita ipuinaren hiru bertsio desberdinak: 




Eta ipuina entzun ondoren, jarduera hau proposatzen dizuet:



Fitxa hauek deskargatu nahi badituzue KLIKATU HEMEN.

Gehiago nahi baduzue, jolas hauek egin ditzakezue:

Egilea: Euskadiko Orketra

Egilea: Miren Gallarda

otsaila 14, 2018

Camile Saint-Saëns: ANIMALIEN IHAUTERIA

Camille Saint-Saëns piano-jotzaile bikaina izan zen eta 2 urtekin piano jotzen hasi zen. 5 urterekin bere lehenengo musika-lana idatzi zuen eta 10 urterekin jada kontzertuak eskeintzen zituen! Ume prodigioa, ezta?

Animalien inauteria, hemen ezagutuko dugun musika-lana, 50 urtekin asmatu zuen.
Zergatik ihauteria deitu zion? Musikariak mozorratuta jotzen zutelako? Ez!

Berez, parodia musikal bezala asmatu zuen; hau da, txantxa musikal bezala zenbait instrumentu-jole eta konpositore zirikatzeko. 

Obra musikal honek 14 pieza musikalaz osatuta dago eta bakoitzak animalia bat irudikatzen du (11. izan ezik)

Adibidez, 11. pieza "pianojoleak" izenekoa, piano ikasleak irudikatzen ditu eskala musikala gora eta behera errepikatzen dutela....


Beste pieza batean, Offenbach deitutako konpositore bati beste txantxa bat egin zion. 
Offenbachen obrarik ospetsuena (Can-Can) bertsionatu zuen. Saint-Saënsen bertsioan, Can-Can oso astuna eta motela agertzen da eta dordoka batzuk dantzatzen dute.


Halere, oso musikari serioa zenez ez zuen nahi animalien ihauteria ezagutaraztea... Zer pentsatuko zuten beste musikariek! Horrek pentsatzeak lotsatzen zion!! 
Bakarrik bere lagun onenen aurrean jotzen zuen.

Hil ondoren, lan hau publikatu zen haren musika-lan ospetsuenetako bat bihurtuz!


Hemen utziko ditut gelan erabili ditzakegun musikograma batzuk:

LEHOIA



Egilea: Idoia Madariaga


KUKUA

Egilea: Freixinos




AKUARIOA





ELEFANTEA




KANGUROAK



BUKAERA